ACTIVIDADES NA RESERVA ORNITOLÓXICA DE SEO/BIRDLIFE
Durante o mes de outubro organizáronse varias actividades na Reserva Ornitolóxica de SEO/BirdLife do Grove.
Ademais de celebrar o Día das Aves, cunha participación de 24 persoas, tamén se fixo unha saída ornitolóxica coa Deputación de Pontevedra no seu programa “Voando polas Rías Baixas”, na que os participantes puideron gozar de 42 especies de aves, a pesar de que durante toda a xornada choveu sen parar.
Tamén se organizaron varias limpezas con colaboración entre SEO-Pontevedra, o Grupo Naturalista Hábitat e ABANCA.
Unha destas limpezas fíxose na praia e a duna da Lanzada, de onde se retiraron case 400 kg de residuos, principalmente botellas de vidro.
Unha segunda limpeza, á que se uniron as mariscadoras do Grove, foi en diferentes tramos da Illa da Toxa, de onde se sacaron varias toneladas de lixo, entre as que destacaron as rodas de coches, os plásticos e os utensilios de acuicultura: redes, cordas…
Enviada en
