CRÓNICA DE VIAXE DÍA DAS AVES 2026
O domingo celebramos o Día das Aves na Reserva Ornitolóxica do Grove, a única reserva ornitolóxica de Galicia, situada no Complexo Intermareal Umia-O Grove.
Foi unha xornada para achegarnos a este espazo natural, coñecer os seus valores e comprender a importancia das figuras de protección que deben garantir a súa conservación. Tamén dedicamos un momento especial ao xílgaro europeo, elixido Ave do Ano 2026 debido ao preocupante descenso das súas poboacións.
Comezamos a actividade, que contou cunha gran participación, visitando A Telleira (Villalonga, Sanxenxo), antiga fábrica de tellas hoxe moi fermosa e rehabilitada como Centro de Interpretación da comarca.
Seguidamente percorremos os diferentes ambientes da zona: lagoas, intermareal, campos e áreas arboradas porque ofrecen refuxio e alimento a distintas especies, o que os converte en lugares privilexiados para a observación de aves.
Ao longo do percorrido descubrimos a súa diversidade e aprendemos a identificar algunhas das especies que o habitan. Os participantes gozaron da experiencia e sorprendéronse ao comprobar quanta vida pode concentrarse neste contorno.
En total, conseguimos identificar 60 especies de aves, mostra máis do extraordinario valor natural da Reserva Ornitolóxica e da necesidade de seguir protexéndoa.
Algunhas das especies identificadas: Espátula común (253), Flamenco rosa (17), Ostreiro eurasiático, Píllara cincenta, Pilro común, Mazarico rabinegro, Mazarico rabipinto, Mazarico real, Mazarico chiador, Bilurico común, Bilurico claro, Bilurico rabudo, Virapedras, Corvo mariño grande, Garza real, Garzota, Garza boieira, Mazarico negro, Pato culler, Asubión, Lavanco, Cerceta común, Pato frisado, Pato rabilongo, Pato colorado, galiñola negra, Folosa, Mergullón pequeno, Gaivota cabecinegra, Gaivota sombría, Gaivotón, Martiño peixeiro, Lavandeira cascadeira, Gatafornela, …
Enviada en
